काठमाडौं- पाल्पाको रम्भा गाउँपालिका-२ सुरुडाँडामा मोटरसाइकल दुर्घटना हुँदा एक जनाको ज्यान गएको छ। ज्यान गुमाउनेमा इञ्जीनियर पदमा कार्यरत कर्मचारी रहेको प्रहरीले जनाएको छ।
उनी पूर्वी रुकुमको भूमे गापा–४ घर भई हाल रम्भा गाउँपालिका बस्दै आएका २३ वर्षीय रविन दमै छिनाल रहेको प्रहरीले जनाएको छ।
रम्भा-१ हुँगीबाट ताहुँतर्फ आउने क्रममा लु६७प ४७८७ नम्बरको मोटरसाइकल अनियन्त्रित भई सुरुडाँडामा दुर्घटना भएको जिल्ला प्रहरी कार्यालयका सूचना अधिकारी रामेश्वर त्वातीले बताए। मोटरसाइकल २०० मिटर तल खसेको प्रहरीले जनाएको छ।