काठमाडौं- पशुपतिनाथको मन्दिर शुक्रबारबाट खुला हुने भएको छ। भक्तजनले पूजा तथा दर्शन गर्न सक्ने गरी मन्दिर खुला हुने पशुपति क्षेत्र विकास कोषले जनाएको छ।
जिल्ला प्रशासन कार्यालय काठमाडौंको २३ माघमा जारी आदेश अनुसार मन्दि खुला गर्ने निर्णय गरिएको कोषले जनाएको छ। जिल्ला प्रशासन कार्यालय काठमाडौंको आदेशमा मठ, मन्दिर, मस्जिद, गुम्वा, चर्चलगायत स्थलमा जनस्वास्थ्य मापदण्ड पालना गरी एक पटकमा ५० जनाभन्दा बढी नहुने गरी पूजा, ध्यान वा प्रार्थना गर्न गराउन सकिने उल्लेख छ।
दर्शनार्थी एवं भक्तजनको गुनासोलाई मध्यनजर राखी विश्व स्वास्थ्य संगठन र नेपाल सरकारले तोकेका स्वास्थ्य सुरक्षाका मापदण्ड पालना गर्ने गरी मन्दिरमा भक्तजनले दर्शन गर्न पाउने छन्।