पोखराको मेयरमा गनेस पौडेलको उम्मेदवारी घोषणा

काठमाडौं– सरकारले आगामी वैशाख ३० गतेका लागि स्थानीय तहको निर्वाचन घोषणा गरेसँगै उम्मेदवारी घोषणा गर्ने क्रम सुरु भएको छ। यसै क्रममा लेखक गनेस पौडेलले पोखरा महानगरपालिकाको मेयरमा उम्मेदवारी घोषणा गरेका छन्। 

पौडेलले सामाजिक सञ्जालमार्फत उम्मेदवारी घोषणा गरेका हुन्। ‘‘आसन्न स्थानीय निर्वाचनमा पोखरा महानगरपालिकाबाट मेयरको पदमा उम्मेदवारी दिने निर्णय गरेको छु, आउनुस् केही गरौं। अति भो अटेर गरौं,’ उनले फेसबुक र ट्विटरमा भनेका छन्, ‘जित वा हारभन्दा पर पनि एउटा लडाइँ हुन्छ। दशकौंको बहुमतले समेत कहिल्यै समेट्न नसकेको एकथरी अटेरी मत हुन्छ, म त्यो लडाइँमा जाँदैछु। यसपटक अटेर गर्दैछु।’ 

पौडेलको उपन्यास पैताला नामक उपन्यास प्रकाशित छ। पौडेल कुनै समय बाबुराम भट्टराई नेतृत्वको नयाँ शक्ति पार्टीमा केन्द्रीय सदस्य थिए।  

जित वा हारभन्दा पर पनि यौटा लडाईँ हुन्छ।
दशकौंको बहुमतले समेत कहिल्यै समेट्न नसकेको एकथरी 'अटेरी' मत हुन्छ।

म त्यो लडाईँमा जाँदैछु।
यसपटक 'अटेर' गर्दैछु।

आसन्न स्थानीय निर्वाचनमा मेयरको पदमा उम्मेदवारी दिने निर्णय गरेको छु!

आउनुस केही गरौँ। अति भो 'अटेर' गरौँ !

— गनेस पौडेल (@ganesspaudel) February 9, 2022