जुम्लामा गोली लागेका जवानको होश खुल्यो, हेलिकोप्टरमा काठमाडौं ल्याइयो

नेपालगंज- जुम्लामा गोली लागेर गम्भीर घाइते भएका प्रहरी जवान कमल उपाध्यायको  होश खुलेको छ । नेपालगन्जस्थित नेपालगन्ज मेडिकल कलेजमा उपचारत उनको शुक्रबार विहान होश खुलेको हो । 

उनलाई थप उपचारका लागि अहिले काठमाडौं ल्याइएको छ । माउन्ट हेलिकोप्टर मार्फत उनलाई काठमाडौं पठाएको नेपालगन्जबाट हाम्रा सहकर्मी दामुबाबु भण्डारीले जनाएका छन्। 

अनशनरत डा गोविन्द केसीलाई काठमाडौं ल्याउने क्रमममा कर्णाली स्वास्थ्य विज्ञान प्रतिष्ठान जुम्लामा झडप हुँदा उनी घाइते भएका थिए । जुम्लाबाट उपचारका लागि बिहीबार दिउसो नै नेपालगन्ज ल्याइएको थियो । उनलाई जुम्लामा नै छ प्वाइन्ट रगत दिइएको जनाइएको छ । 

गोली लागि गम्भीर घाइते भएका भएको प्रहरी जवान उपाध्यको अवस्था अझै खतरामुक्त हुन नसकेपछि काठमडौं पठाइएको नेपालगन्ज मेडिकल कलेजले जनाएको छ । उनलाई छातीमा गोली लागेको थियो ।