जुम्लामा गोलि लागि घाइते भएका प्रहरीलार्इ नेपालगन्‍ज ल्याइयो

काठमाडौं- कर्णाली स्वास्थ्य विज्ञान प्रतिष्ठानमा बिहिबार भएको झडपमा घाइते भएका प्रहरी जवान कमल उपाध्यायलार्इ थप उपचारका लागि नेपालगन्ज ल्याइएको छ। 

उपाध्यायलार्इ अहिले नेपालगन्जस्थित नेपालगन्ज मेडिकल कलेजमा उपचारका भइरहेको छ। उनलार्इ छ प्वाइन्ट रगत दिइसकेपछि हेलिकप्टरमा नेपालगन्ज ल्याइएको जनाइएको छ।  

२० दिनदेखि अनशनरत डा. गोविन्द केसीको अनशनस्थलमा स्थानीय तथा चिकित्सकहरुले डा केसीलार्इ काठमाडौं लैजान अवरोध सिर्जना गरेपछि भएको झडपमा गोली लागि उपाध्याय गम्भीर घाइते भएका हुन्। उपाध्यायलार्इ अझै रगत आवश्यक पर्ने र अक्सीजनको लेभल पनि आवश्यकभन्दा तल झरीसकेकोले अवस्था चिन्ताजनक रहेको अस्पताल श्रोतले जनाएको छ। उनको छातीमा गोली लागेको छ।

यसरी मृत्युको समाचार आयो?

यसअघि जुम्लामा प्रदर्शन चर्किदा प्रहरी नायव उपरीक्षक तपन कुमार दाहालले भिडलाई तितरवितर गर्ने ध्येयले भनेका थिए: 'मेरो साथी गइसक्यो। तपाईहरु पछि हट्नुहोस् जे पनि हुनसक्छ।' दाहालको यहि भनाईलाई आधार मान्दै समाचार प्रवाह भयो। गोली लागेका व्यक्तिको हताहती सम्बन्धी समाचार प्रवाह भयो जतिवेला ती जवानलाई अस्पताल लगिदै थियो।