मधेश प्रदेशसभाको वार्षिकोत्सव समारोह स्थगित

काठमाडौं- तीव्र हावाहुरीका कारण मधेसको प्रदेशसभाको वार्षिकोत्सव समारोह स्थगित गरिएको छ। प्रदेशसभाको वार्षिकोत्सव मनाउनका लागि तयार पारिएको त्रिपाल र मञ्चमा हावाहुरीले क्षति पुर्‍याएको छ।

वार्षिकोत्सव समारोहका लागि जनकपुरस्थित प्रदेश सभा परिसरमा तयार पारिएको पन्डाल र टेन्ट उडाएपछि कार्यक्रम स्थगित गरिएको प्रदेश सभा सचिवालयले जनाएको छ।

शुक्रबार बिहानैदेखि चलिरहेको हावाहुरीले वार्षिकोत्सवका लागि तयार गरेको पन्डालमा क्षति भएपछि कार्यक्रम स्थगित गरिएको हो। प्रतिकूल मौसमका कारण चौथो वार्षिकोत्सव कार्यक्रम स्थगित गरिएको जानकारी प्रदेश संसद सचिवालयले अतिथि र सांसदहरूलाई एसएमएस गरेर पठाएको थियो।