धनगढीमा चक्कु प्रहारबाट एक जनाको मृत्यु 

धनगढी- कैलालीको गौरीगंगा नगरपालिका वडा नम्बर ७ मनकापुरमा चक्कु प्रहारबाट एक जनाको मृत्यु भएको छ। छिमेकीको चक्कु प्रहारबाट गम्भीर घाईते भएका मान बहादुर समै मगरको उपचारका क्रममा मृत्यु भएको हो। 

उनको मसुरीयामा उपचार सम्भव नभए पछि सेती अञ्चल अस्पताल धनगढी पुर्‍याइएको थियो। त्यहि उपचारका क्रममा मृत्यु भएको हो। 

बुधवार साँझ करिव साढे ५ बजे सोही ठाउँ बस्ने नर बहादुर विक र उनका छोरा रमेश विकले मगरको छातीमा चक्कु प्रहार गरेको बताइएको छ। चक्कु प्रहार गर्ने दुवै जनालाई प्रहरीले बुधबार साँझ नै पक्राउ गरी आवश्यक कारबाहीको लागि जिल्ला प्रहरी कार्यालय कैलालीको हिरासतमा राखिएको कैलाली प्रहरीले जनाएको छ।