'डा केसीको अनसन, माफियालार्इ टेन्सन' (भिडियो)

काठमाडौं- चिकित्सा शिक्षा सुधारको माग राख्दै २० दिनदेखि अनशनरत डा गोविन्द केसीको समर्थनमा चिकित्सकहरुले बृहत विरोध जुलुस प्रदर्शन गरेका छन्। 

आकस्मिकबाहेकका सम्पूर्ण स्वास्थ्य सेवा बन्द गरेर बिहिबार विरोधमा उत्रिएका डा केसीको समर्थकहरुले 'डा केसीको अनसन, माफियालार्इ टेन्सन' लगायतका नारा लगाउँदै माइतिघरबाट नयाँ बानेश्वर चोकसम्म पदर्शन गरेका हुन्। 

प्रचण्ड गर्मीको प्रवाह नगरी डा केसीको जीवन रक्षाको माग गर्दै समर्थकहरु विरोधमा उत्रिएका हुन्। प्रदर्शनमा हुनसक्ने घटनालार्इ मध्यनजर गर्दै सरकारले ठुलो संख्यामा प्रहरी परिचालन गरेको थियो। 

प्रदर्शनकारीहरुले तत्काल डा केसीले राखेका मागहरु पुरा गर्नुपर्ने बताएका थिए। प्रदर्शनमा नागरिक समाज, अधिकारकर्मी, विभिन्न पेसागत संगसंठनका पदाधिकारी, विद्यार्थीलगायतको उपस्थिति रहेको थियो।