संसद् बैठक १० दिन पछि सर्‍यो

तिनिधिसभाको बैठक १० दिन पछि सरेको छ। १६ माघ (आइतबार) का लागि डाकिएको बैठक २६ माघलाई सरेको हो।

नेपाल समय | शनिबार, माघ १५, २०७८

नेपाल समय

शनिबार, माघ १५, २०७८

काठमाडौं– प्रतिनिधिसभाको बैठक १० दिन पछि सरेको छ। १६ माघ (आइतबार) का लागि डाकिएको बैठक २६ माघलाई सरेको हो।

आज शनिबार बेलुका सूचना जारी गर्दै संघीय संसद् सचिवालयले कोभिड–१९ संक्रमणको जोखिम यथावत् रहेको भन्दै भोलिको बैठक माघ २६ गते बुधबार दिनको १ बजे बस्ने गरी निर्धारण गरिएको जनाएको छ।

भोलि नै सभामुख अग्निप्रिसाद सापकोटाले कार्यव्यवस्था परामर्श समितिको बैठक आह्वान गरेका थिए। संघीय संसद्को अधिवेशन जारी रहेको भए पनि प्रतिपक्षी नेकपा एमालेको लगातार अवरोधका कारण नियमित कार्यसूचीमा अगाडि बढ्न नसकिरहेको बेला सभामुखले कार्यव्यवस्था परामर्श समितिको बैठक बोलाएका हुन्।

संसद् बैठक स्थगित भए पनि कार्यव्यवस्था बैठकबारे भने संसद् सचिवालयले कुनै जानकारी दिएको छैन।

प्रकाशित: Jan 29, 2022| 20:47 शनिबार, माघ १५, २०७८