कोइला बालेर सुतेका दम्पती मृत फेला

काठमाडौंको शंकरापुर नगरपालिकामा एक दम्पती मृत फेला परेका छन्।

नेपाल समय | शुक्रबार, माघ १४, २०७८

नेपाल समय

शुक्रबार, माघ १४, २०७८

काठमाडौं- काठमाडौंको शंकरापुर नगरपालिकामा एक दम्पती मृत फेला परेका छन्। शंकरापुर-३ बोजिनी बस्ने ५२ वर्षीय पदमबहादुर थिङ र उनकी श्रीमती ४५ वर्षीय फुलकुमारी थिङ बिहीबार मृत फेला परेका हुन्।

बुधबार राति खाना खाएर सुतेका उनीहरू बिहान बन्द कोठाभित्र मृत भेटिएका महानगरीय प्रहरी वृत्त बौद्धले जनाएको छ।

थिङ दम्पती बिहान अबेरसम्म नउठेपछि जेठा छोरा सूर्यबहादुर थिङले ढोका फुटाएर हेर्दा उनीहरूलाई मृत भेटेका थिए।

प्रहरीका अनुसार कोठाभित्र कोइला बालिएको पाइएको छ। मृतकको शरीरमा अन्य कुनै बाहिरी चोटसमेत नरहेको प्रहरीले जनाएको छ।

कोइला बालेकाले अक्सिजनको अभावमा निसास्सिएर उनीहरूको ज्यान गएको हुनसक्ने प्रहरीले जनाएको छ। घटनाबारे थप अनुसन्धान थालिएको प्रहरी वृत बौद्धले जनाएको छ ।

प्रकाशित: Jan 28, 2022| 07:01 शुक्रबार, माघ १४, २०७८