इतिहासमा आज : अन्तरीक्ष यान विस्फोट, जर्मनसँगको युद्धमा फ्रान्स पराजित

काठमाडौं- आज सन् २०२२ जनवरी २८। हामीले यहाँ विश्‍व इतिहासमा भएका महत्वपूर्ण घटनाहरुलाई समेट्‍ने गरेका छौं। 

अन्तरीक्षयानको सटल च्यालेन्जर विस्फोट 

सन् १९८६ जनवरी २८ मा  अमेरिकी अन्तरीक्ष यानको सटल च्यालेन्जर विस्फोट भएको थियो। उक्त विस्फोटमा यानमा भएका सातै जनाको मृत्यु भएको थियो। फ्लोरिडाबाट प्रक्षेपण गरेको ७३ सेकेण्डमा उक्त यान विस्फोट भएको हो। विस्फोटमा यानमा सवार पहिलो अमेरिकी सर्वसाधारणको एक शिक्षकको पनि मृत्यु भएको थियो। 

अमेरिकी कोस्ट गार्डको स्थापना 

सन् १९१५ मा अमेरिकी कोस्ट गार्डको स्थापना गरिएको थियो। अमेरिकी कंग्रेसले सन् १९१५ जनवरी २८ मा कोस्ट गार्डसम्बन्धी विधेयक पारित गरेको थियो। अमेरिकी राजस्व कटर सेवा र अमेरिकी जीवन सुरक्षा सेवालाई गाभेर अमेरिकी कोस्ट गार्ड स्थापना गरिएको थियो। 

फ्रान्स पराजित 

फ्रान्को-जर्मन युद्धमा सन् १८७१ जनवरी २८ मा फ्रान्सले पराजय व्यहोरेको थियो। चार महिना लामो युद्धपछि फ्रान्सले पराजय स्वीकार गरेको हो। सन् १८७० जुलाई १९ मा उक्त युद्ध सुरु भएको थियो। 

रोमन सम्राट चार्लमाग्‍नेको निधन 

सन् ८१४ जनवरी २८ मा होलि रोमन सम्राट चार्लमाग्‍नेको निधन भएको थियो। जर्मनीको आचेन सहरमा उनको निधन भएको हो।