इतिहासमा आज : भियतनाम युद्धको अन्त्य, सोभियत सेनाले छोडे नाजी कन्सन्ट्रेसन क्याम्प

काठमाडौं- आज सन् २०२२ जनवरी २७। हामीले यहाँ विश्‍व इतिहासमा भएका महत्वपूर्ण घटनाहरुलाई समेट्‍ने गरेका छौं। 

भियतनाम युद्ध अन्त्य 

पेरिस सम्झौता अनुसार भियतनाम युद्ध अन्त्य भएको घोषणा गरिएको थियो। अमेरिकाको सबैभन्दा लामो युद्ध सन् १९७३ जनवरी २७ मा अन्त्य गरिने घोषणा गरिएको थियो। दक्षिण भियतनामबाट अमेरिकी सेना फिर्ता गरेको थियो। 

यमनमा राष्ट्रपतिको राजीनामा माग गर्दै आन्दोलन सुरु 

यमनमा राष्ट्रपति अलि अब्दुल्लाह सालेहको राजीनामा माग गर्दै आन्दोलन सुरु गरेको थियो। सन् २०११ जनवरी २७ मा उक्त आन्दोलन सुरु गरिएको थियो। ट्युनिसिया र इजिप्टमा भएको आन्दोलनबाट प्रेरित भएर राष्ट्रपति सालेहको राजीनामा माग गर्दै हजारौं नागरिकहरु सडकमा उत्रिएका थिए।

एपोलो १ प्रक्षेपण

सन् १९६७ जनवरी २७ मा एपोलो १ प्रक्षेपण गरिएको थियो। अमेरिकी अन्तरीक्षयात्रीहरु भर्जिल १ ग्रिसोम, एडवार्ड एच ह्वाइट र रोजर बी चाफेसहितको टोलीले अन्तरीक्ष यात्रा सुरु गरेका थिए। 

सोभियत सेनाले छोडे नाजी कन्सन्ट्रेसन क्याम्प 

सोभियन युनियनको सेनाले सन् १९४५ मा नाजी कन्सनट्रेसन क्याम्प छोडेका थिए। पोल्याण्डको अउस्जविज्मा रहेको नाजी कन्सनट्रेसन क्याम्पबाट सोभियन युनियनको सेना बाहिरिएको थियो। 

बिजुलीको बल्बको प्याटेन्ट प्राप्त 

सन् १८८० जनवरी २७ मा अमेरिकी आविष्कारक थोमस एडिसनले बिजुलीको बल्बको प्याटेन्ट प्राप्त गरेका थिए।