राष्ट्रियसभा निर्वाचन : राप्रपाले प्रदेश–१ मा मात्र मतदान गर्ने

राष्ट्रिय प्रजातन्त्र पार्टी (राप्रपा) भोलि बुधबार हुन लागेको राष्ट्रियसभा सदस्य निर्वाचनमा प्रदेश १ मा मात्र मतदान गर्ने भएको छ।

नेपाल समय | मंगलबार, माघ ११, २०७८

नेपाल समय

मंगलबार, माघ ११, २०७८

राष्ट्रियसभा निर्वाचन : राप्रपाले प्रदेश–१ मा मात्र मतदान गर्ने

काठमाडौं– राष्ट्रिय प्रजातन्त्र पार्टी (राप्रपा) भोलि बुधबार हुन लागेको राष्ट्रियसभा सदस्य निर्वाचनमा प्रदेश १ मा मात्र मतदान गर्ने भएको छ।

सोमबार बसेको पदाधिकारी बैठकले आफ्ना उम्मेदवार रहेको प्रदेश १ बाहेक अन्य प्रदेशमा मतदान नगर्न आफ्ना जनप्रतिनिधिलाई निर्देशन दिएको छ।

राप्रपाले प्रदेश १ मा अमरबहादुर विष्ट र रञ्जु प्याकुरेललाई उम्मेदवार बनाएको छ भने अरु प्रदेशमा उसका उम्मेदवार छैनन्। ‘‍‍‍‘अन्य प्रदेशहरुमा पार्टीको उम्मेदवार नभएकोले पार्टीका तर्फबाट प्रतिनिधित्व गर्ने मतदाताहरुलाई मतदान प्रक्रियामा सहभागी नहुन निर्देशन दिने निर्णय गरियो,’ महामन्त्री भुवन पाठकले जारी गरेको विज्ञप्तिमा भनिएको छ।

प्रकाशित: Jan 25, 2022| 13:35 मंगलबार, माघ ११, २०७८