भोजपुरी स्टार निरहुआसँग फिल्म गर्दै शिल्पा पोखरेल

विराज भट्ट भोजपुरी सिनेमामा आफूलाई स्थापित गर्न सफल नेपाली कलाकार हुन्। पछिल्लो समय यही दौडमा छिन् अभिनेत्री शिल्पा पोखरेल।

नेपाल समय | सोमबार, माघ १०, २०७८

नेपाल समय

सोमबार, माघ १०, २०७८

भोजपुरी स्टार निरहुआसँग फिल्म गर्दै शिल्पा पोखरेल

काठमाडौं– विराज भट्ट भोजपुरी सिनेमामा आफूलाई स्थापित गर्न सफल नेपाली कलाकार हुन्। पछिल्लो समय यही दौडमा छिन् अभिनेत्री शिल्पा पोखरेल।

छविराज ओझाको फिल्म ‘लज्जा’ बाट अभिनयमा डेब्यु गरेकी शिल्पाले हालै दुई भोजपुरी सिनेमा ‘प्रेमगीत २’ र ‘जय शम्भु’ मा अभिनय गरिन्। यी दुवै सिनेमामा भोजपुरी अभिनेता प्रदीप पाण्डे (चिन्टु) सँग अनस्क्रिन रोमान्स गरेकी शिल्पा अब भोजपुरी सिनेमाका स्टार दिनेशलाल यादवसँग देखिने भएकी छिन्।

भोजपुरी फिल्मका निर्देशक सोनु खत्रीको निर्देशनमा बन्न लागेका दुई फिल्म ‘निरहुआ चलल लण्डन २’ र ‘हनुमानकी गल्ली’मा शिल्पा लिड हिरोइनका रुपमा फाइनल भएकी हुन्। निर्देशक खत्रीले थुप्रै भारतीय मिडियासँग यसको जानकारी दिइसकेका छन्।

दिनेशलालको अपोजिटमा देखिने भएपछि शिल्पाले सिनेमाको चरित्रअनुसार आफूलाई ढाल्न जिम ज्वाइन गरिसकेकी छिन्। यो सिनेमामा दिनेशलाल यादव ‘निरहुआ’सँगै कलाकार आम्रपाली दुवे पनि महत्वपूर्ण भूमिकामा देखिँदैछन्।

‘म भोजपुरी उद्योगमा एउटा सिनेमा गर्नका लागि मात्रै आएकी होइन। म यहाँ आफूलाई स्थापित गर्न चाहन्छु, हेरौं कति सफल हुन्छु,’ भारतीय मिडियासँग शिल्पाले भनेकी छिन्।

प्रकाशित: Jan 24, 2022| 17:15 सोमबार, माघ १०, २०७८