१६ जिल्लाको कांग्रेस अधिवेशन फेरि स्थगित

नेपाली कांग्रेसले सप्तरी, सिराहा, धनुषा, महोत्तरी, सर्लाही, रौतहट, बारा, पर्सा, सिन्धुली, मकवानपुर, सिन्धुपाल्चोक, चितवन, बाँके, कैलाली, अछाम र नवलपुर जिल्ला कार्यसमितिको अधिवेशन गर्न बाँकी छ।

नेपाल समय | शुक्रबार, माघ ७, २०७८

नेपाल समय

शुक्रबार, माघ ७, २०७८

१६ जिल्लाको कांग्रेस अधिवेशन फेरि स्थगित

Nepali congress

काठमाडौं- सत्तारुढ दल नेपाली कांग्रेसका १६ जिल्लाको अधिवेशन पुनः स्थगित भएको छ। कोरोनाको नयाँ भेरियन्ट ओमिक्रोन संक्रमण बढेको भन्दै तत्कालका लागि जिल्ला अधिवेशन स्थगित गरिएको कांग्रेसले जानकारी दिएको हो।

यसअघि माघ १५ गतेका लागि तोकिएको थियो। यसअघि पनि २७ पुसका लागि तोकिएको जिल्ला अधिवेशन सार्ने निर्णय भएको थियो।

कांग्रेसको १४औं राष्ट्रिय महाधिवेशन २४-२७ मंसिरमा सम्पन्न भइसकेको छ। तर, क्रियाशील सदस्यता विवादका कारण १६ जिल्लामा अधिवेशन हुन सकेको थिएन।

कोरोना संक्रमणको अवस्था सामान्य भएपछि पुनः १६ जिल्लाको अधिवेशन तोकिने कांग्रेसले जनाएको छ।

प्रकाशित: Jan 21, 2022| 15:53 शुक्रबार, माघ ७, २०७८