जनकपुरधाम– कोरोनाको नयाँ भेरियन्ट ओमिक्रोन मधेश प्रदेशमा पनि देखिएको छ। मधेश प्रदेशमा १४ जनामा कोरोनाको नयाँ भेरियन्ट ओमिक्रोन देखिएको स्वास्थ्य निर्देशनालय मधेश प्रदेशका निर्देशक विजय झाले जानकारी दिए।
५ सय २७ जना परीक्षण गर्दा १४ जनामा ओमिक्रोन भेरियन्ट देखिएको हो।
पछिल्लो केही दिनयता मधेश प्रदेशमा कोरोना संक्रमनको दर समेत बढ्दै गइरहेको छ। अहिले दिनहुँ सयौँको संख्यामा कोरोना संक्रमित थपिँदै गएका छन्। बिहीबार प्रदेशका विभिन्न प्रयोगशालामा गरिएको परीक्षणमा २ सय ७ जनामा कोरोना संक्रमण देखिएको थियो। हाल प्रदेशमा १ हजार २ सय ११ जना कोरोनाको सक्रिय संक्रमित छन्। संक्रमितहरुमध्ये आईसीयुमा २ जना, एचडीयूमा ४ जना र बाँकी संक्रमित होम आइसोलेसनमा छन्।