धरान उपमहानगरका मेयर सुब्बाको निधन

काठमाडौं-धरान उपमहानगरपालिकाका मेयर तारा सुब्बाको निधन भएको छ । झण्डै एक सातादेखि काठमाडौंको ग्राण्डी अस्पतालमा उपचाररत सुब्बाको मंगलबार निधन भएको हो । 

छात्तीमा समस्या देखिएपछि उपचार गर्न गएका उनको निमोनिया इन्फेक्सन भएको थियो । 

दुई वर्ष अघि मात्रै मृगौला प्रत्यारोपण गरेका उनको उपचारका क्रममा मृगौलाको पनि डाइग्नोसिस गर्नुपरेको थियो । 

हङकङ बस्दै आएकी सुब्बाकी श्रीमती बिहीबार काठमाडौं आइपुगेकी थिइन् ।

धरानमा एक्लै बस्दै आएका सुब्बा लामो समयदेखि सकिय राजनीतिमा संलग्न थिए ।