वीरगंजमा महिला हक्की : मधेश प्रदेशको खाता नै खुलेन, नेपाली सेना ५ गोलले विजयी

वीरगंज- वीरगंजमा राष्ट्रिय महिला हक्की प्रतियोगिता सुरु भएको छ। वीरगंजको आदर्शनगर रंगशालास्थित मंगलबारदेखि सुरु भएको चौथो सहाना प्रधान स्मृति राष्ट्रिय महिला हक्की प्रतियोगितामा नेपाली सेनाले ५ गोल गरि सान्दार सुरुवात गरेको छ। 

नेपाल हक्की संघ सानो पाइलासँगको सहकार्यमा आयोजना गरिएको प्रतियोगिताको पहिलो खेलमा नेपाली सेनाले मधेश प्रदेशलाई शून्य गोलका विरुद्ध ५ गोलले पराजित गरी विजयी सुरुवात गरेको हो।  

प्रतियोगिताको सुरुवाती खेलको ११ मिनेटमै नेपाली सेना जर्सी नं. ३ का कमला चन्दले पहिलो गोल गरेर खाता खोलेकी थिइन् भने खेलको २२ औं मिनेटमा नेपाली सेनाकै जर्सी नं. ६ सिमा खड्काले दोस्रो गोल गरेकी थिइन्। 

यस्तै, खेलको २५ औं मिनेटमा सेनाकै जर्सी नं. १० सीता माया बाल, ४१ औं मिनेटमा जर्सी नं. १४ निलिमा पाण्डे र ५८ औं मिनेटमा जर्सी नं. १० कै सीता माया बालले व्यक्तिगत दोस्रो र टिमको लागि पाँचौ गोल गरेकी थिईन्। मधेश प्रदेशका अथक प्रयाका बाबजुद पनि नेपाली सेनाको समूहले खाना पनि खोल्न दिएनन्। 

प्रतियोगितामा ६ वटा समूहको सहभागिता रहेको छ। फाइनल खेल भने माघ ८ गते हुनेछ।