जनकपुरधाम– प्रदेश २ को नाम मधेश राख्ने प्रस्तावमाथिको मतदान प्रक्रिया सुरु भएको छ।
सोमबार बसेको प्रदेशसभा बैठकमा प्रदेशसभामा सत्तारुढ दल जसपाबाट शैलेन्द्र कुमार यादव र माओवादी केन्द्रको तर्फबाट प्रदेशको नामका लागि प्रस्ताव गरिएको मधेशमाथि मतदान प्रक्रिया सुरु भएको हो।
प्रदेशको नाम कायम गर्नका लागि दुई तिहाई मतको आवश्यक पर्छ। हाल प्रदेशसभामा १ सय ४ जना प्रदेशसभा सदस्यहरु रहेका छन्। प्रदेशससभाको नाम तोक्नका लागि ७० मत आवश्यक छ। सभामुख सरोज यादवले प्रदेशसभा कक्षकै छेउमा रहेको भवनमा मतदान गर्न प्रदेशसभा सदस्यहरुलाई आग्रह गरेका छन्।
मधेशको पक्षमा दुई तिहाई मत नपुगे प्रदेशको नामका लागि मिथिला भोजपुरा, जानकी र मध्य मधेशका लागि समेत मतदान हुनेछ।
यसअघि प्रदेशसभाबाट प्रदेशको स्थायी राजधानी जनकपुरधाम दुई तिहाईभन्दा बढी मतबाट कायम गरिएको छ।