अम्बर गुरुङकी पत्‍नी वीणाको निधन

काठमाडौं- राष्ट्रिय गानका संगीतकार अम्बर गुरुङ्ककी पत्नी वीणा गुरुङको निधन भएको छ । केहिसमय यता अस्वस्थ रहेकी वीणाको उपचारका क्रममा ग्रान्डी अस्पतालमा निधन भएको हो । 

उनको विसं २०११ सालमा अम्बर गुरुङसँग विवाह भएको थियो । संगीतकार अम्बर गुरुङको विसं २०७३ जेठमा निधन भएको थियो । 

पति अम्बर गुरुङको निधनपछि उनी छोरी अल्कासंँग बस्दै आएकी थिइन् । गुरुङका ३ छोरा र एक छोरी छन् । उनको सोमबार नै पशुपती आर्यघाटमा अन्तिम संस्कार गरिएको छ ।