कम्युनिस्ट मन्‍त्री र नेताहरुले फाईभ स्टारमा हेरे विश्वकप

काठमडौं- सरकारका मन्त्री तथा नेकपाका नेताहरुले  विश्वकपको फाइनल फाइफस्टारमा हेरेका छन् ।

विश्वकप फुटबलको फाइनल हेर्न उनीहरु आइतबार साँझ होटल याक एन्ड यति पुगेका थिए । म्यूजिक र डिनरसहित उनीहरुले त्यहाँ विश्वकपको मजा लिएका थिए ।

विश्वकप फाइनलका लागि होटेलका विशेष कार्यक्रमको आयोजना थियो । प्रत्येक सहभागीलाई डिनरको प्याकेजसहित २५ लिइएको थियो । 

उर्जामन्त्री बर्षमान पुन, श्रम मन्त्री गोकर्ण विष्ट, भूमिसुधार मन्त्री चक्रपाणी खनाल बलदेव, उद्योगमन्त्री मात्रिका यादवसहितका मन्त्रीहरु र केही  य्वा नेताहरु फाइनल हेर्न बेलुका याक एण्ड यती पुगेका थिए । खेल हेर्न धनश्याम भुसाल, टोपबहादुर रायमाझी, पूर्वसभामुख ओनसरी घर्ती पनि थिए । 

एकजना मन्त्रीले भने, विश्वकप फाइनल सँगै बसेर हेरौं भन्ने कुरा भयो । अनि त्यहाँ जम्मा भइयो । यो सामान्य कुरा हो ।