कर्णाली प्रदेश सरकारद्वारा १५० स्वास्थ्यकर्मी माग (विज्ञापनसहित)

काठमाडौं- कर्णाली प्रदेश सरकारले करार सेवामा नियुक्तिका लागि विज्ञापन गरेको छ। कर्णाली प्रदेश सामाजिक विकास मन्त्रालयले मंगलबार सूचना प्रकाशन गरी करारमा डाक्टर, नर्ससहित १५० कर्मचारी माग गरेको छ। 

प्रदेश सरकारको यही पुस २१ गते बसेको मन्त्रिपरिषद् बैठकले करार सेवामा कर्मचारी लिने निर्णय गरेको मन्त्रालयको सूचनामा उल्लेख छ।

मन्त्रालयले नवौँ तहको चिकित्सकका लागि ५४, मेडिकल अधिकृत २० सहित आठौँ तहको २१, सातौँ तहका १६, स्टाफ नर्स ३८ सहित पाँचौँ तहको ५० र चौथो तहका नौ जना गरी १५० चिकित्सक तथा स्वास्थ्यकर्मी माग गरेको छ। सूचना प्रकाशित गरेको १५ दिनभित्र आवेदन माग गरिएको छ।