सामुहिक बलात्कार गरी जिउँदै जलाएपछि...

छिमेकी देश भारतमा महिला हिंसाका घटना दैनिक सुनिने गरेका छन् । ति घटना यति दर्दनाक हुन्छन्की सामान्य नागरिकले कल्पना गर्नेभन्दा बाहिरका । यस्तै घटना घटेको छ उत्तर प्रदेशको संभल जिल्लामा  । 

जहाँ एक ३५ वार्षिया महिलालाई  सामूहिक बलात्कार गरी जिउँदै जलाइएको छ । महिलाकै घरमा आएका पाँच जनाले सामुहिक बलात्कार गरी बाहिर मन्दिर नजिकै लगेर जिउँदै जलाएका थिए । यो घटना घटेका बेला उनका श्रीमान कामका शिलशिलामा घर बाहिर थिए ।

महिलाले आफू समस्यामा परेपछि प्रहरीलाई खबर गरेपनि समयमै प्रहरी आइनपुग्दा यो दुःखद घटना भएको मृतक महिलाका श्रीमानले आरोप लगाएका छन् । 

टाइम्स अफ इण्डियामा प्रकाशित समाचार अनुसार महिललाई लाइनु अघि उनले प्रहरी हेल्पलाइनलाई खबर गरेकी थिइन तर, कुनै प्रकारको प्रतिक्रिया नआएको उनको पतिले बताएका छन् । 

श्रीमानले दिएको उजुरीमा श्रीमती एक्लै भएको मौकामा अनुहार छोपेका पाँच जना घर भित्र छिरेको उनलाई बलात्का गरेको बताएका छन् । उनले आफ्नो भाइ र प्रहरीलाई खबर गरेको भन्दै भाइले प्रहरीलाई खबर गरेपछि बलात्कारीले श्रीमतीलाई घिसारेर बाहिर निकाल्दै नजिकैको मन्दिरमा लगेर जिउँदै जलाएको लगाएका हुन् । बीबीसी