तस्करीको गाईसहित लाखौको सामान नियन्त्रणमा

जनकपुरधाम- प्रहरीले अवैध रुपमा ओसारपसार गरी रहेको अवस्थामा लाखौ मूल्य बराबरको मालसमान धनुषाबाट नियन्त्रणमा लिएको छ । भन्सार छली भारतबाट नेपाल ल्याउँदै गरेको अवस्थामा प्रहरीले धनुषाको जनकनन्दनी गाउँपालिका-३ बाट ६० लाख मूल्य बराबरको कपडाहरु नियन्त्रणमा लिएको हो ।

ज १ त ९९३ नम्बरको ट्रयाक्टर तथा बीआर ३२ एन ५२५८ र बीआर ०७ एल ५९४७ भारतीय नम्बर प्लेटको दुई मोटरसाइकल तथा चालकसहित कपडाहरु प्रहरीले नियन्त्रणमा लिएको जिल्ला प्रहरी कार्यालय धनुषाका प्रवक्ता प्रहरी नायब उपरीक्षक दीपेन्द्रबहादुर शाहीले जानकारी दिए । 

त्यसैगरी प्रहरीले औरही गाउँपालिका-३ बाट नेपालबाट भारततर्फ लैजादैँ गरेको १० वटा गाईसहित व्यापारीलाई नियन्त्रणमा लिएको छ । भारततर्फ तस्करी गर्न लगिरहेको अवस्थामा गाईहरु नियन्त्रणमा लिइएको शाहीले बताए ।

त्यसैगरी  भन्सार छली ज २ प ५१२१, ज ९ प ४८०९ र ज ८ प ४८०५ नम्बरको तीन मोटरसाइकलमा भारतबाट नेपालतर्फ ल्याउँदै गरेको अवस्थामा कपडाको पोकाहरु प्रहरीले नियन्त्रणमा लिएको छ । नियन्त्रणमा लिइएका कपडाहरुको मूल्य अन्दाजी दुई लाख रहेको प्रहरीले जनाएको छ ।

जनकपुर उपमहानगरपालिकाबाट समेत प्रहरीले तस्करी गरी ल्याइएका समा भारतबाट भन्सार नहरु नियन्त्रणमा लिएको छ । छली दुई अलग अलग मोटरसाइकलमा ४ थान इन्भर्टर र ३०/३५ थान पंखाको पत्ता प्रहरीले जनकपुरको शिवचोकबाट नियन्त्रणमा लिएको छ । 

भारतीय नम्बरको मोटरसाइकलसहित ती समानहरु प्रहरीले नियन्त्रणमा लिएको जिल्ला प्रहरी कार्यालय धनुषाले जनाएको छ । नियन्त्रणमा लिइएका समानहरु आवश्यक कारबाहीको लागि जनकपुर भन्सार कार्यालयमा पठाइएको प्रहरी नायब उपरीक्षक शाहीले बताए । पछिल्लो पटक प्रहरीकै मिलोमतोमा तस्करी हुँदै गरेको आरोप लागिरहेको अवस्थामा प्रहरीले यति धेरै परिणामको अवैध मालसमान नियन्त्रणमा लिन सफल भएको छ ।