शेखर समूहको बैठक सुरु

महाधिवेशनको समीक्षाका लागि भन्दै शेखर कोइरालाले आफ्नो प्यानलबाट पदाधिकारी तथा केन्द्रीय सदस्य उठेका नेताहरूलाई छलफलमा बोलाएका छन्।

नेपाल समय | बुधबार, पुस २१, २०७८

नेपाल समय

बुधबार, पुस २१, २०७८

काठमाडौं- नेपाली कांग्रेसका नेता शेखर कोइरालाले बोलाएको आफूपक्षीय नेताहरूको बैठक सुरु भएको छ। कांग्रेस सभापति शेरबहादुर देउवाले केन्द्रीय समितिमा गरेको मनोनयन र राष्ट्रिय सभा उम्मेदवार छनौटमा आफूहरूसँग परामर्श नगरेको भन्दै असन्तुष्ट भएको शेखर समूहले बैठक बोलाएको हो।

कोइरालाको सचिवालयका अनुसार दिउँसो २ बजे सिंहदरबारअगाडि बसेरा होटलमा शेखर समूहका नेताहरूको छलफल सुरु भएको हो। कोइरालासहित उनी पक्षका नेताहरू मंगलबार पनि छलफलमा जुटेका थिए।

सभापति देउवा एकलौटी हिसाबले अगाडि बढ्न खोजेको र ४० प्रतिशत मत ल्याएका कोइरालालाई शक्तिका रूपमा स्वीकार गर्न नखोजेको देखिएकोले छलफल गर्नुपर्ने अवस्थामा कोइराला पक्ष पुगेको हो।

प्रकाशित: Jan 05, 2022| 15:10 बुधबार, पुस २१, २०७८