पदाधिकारी चयन नगरी माओवादीको पहिलो बैठक स्थगित

नेकपा माओवादी केन्द्रको पहिलो केन्द्रीय कमिटी बैठक पदाधिकारी चयन नगरी स्थगित भएको छ। माओवादीको आठौं महाधिवेशनबाट निर्वाचित केन्द्रीय कमिटीको पहिलो बैठक सोमबार बसेको थियो।

नेपाल समय | सोमबार, पुस १९, २०७८

नेपाल समय

सोमबार, पुस १९, २०७८

पदाधिकारी चयन नगरी माओवादीको पहिलो बैठक स्थगित

फाइल तस्बिर।

काठमाडौं- नेकपा माओवादी केन्द्रको पहिलो केन्द्रीय कमिटी बैठक पदाधिकारी चयन नगरी स्थगित भएको छ। माओवादीको आठौं महाधिवेशनबाट निर्वाचित केन्द्रीय कमिटीको पहिलो बैठक सोमबार बसेको थियो।

बैठकले अध्यक्षमा पुष्पकमल दाहाल प्रचण्डलाई चयन गर्दै स्थगित गरिएको हो। पदाधिकारीमा सहमति नभएपछि बैठक २५ गते पुनः बस्‍ने गरी स्थगित गरिएको हो।

यसअघि आइतबार सोमबारको केन्द्रीय कमिटी बैठकबाट पदाधिकारी चयन गरिने बताइएको थियो। तर, सोमबार बसेको बैठकले भने अध्यक्षमा प्रचण्डलाई मात्र चयन गरेको छ।

प्रचण्डले पदाधिकारी पनि सर्वसम्मतबाट नै चयन गरिने बताएका छन्। माओवादीको आठौं महाधिवेशन आइतबार आठौं दिन २३६ केन्द्रीय सदस्यहरु चयन गर्दै सकिएको घोषणा गरिएको थियो।

माओवादी केन्द्रको केन्द्रीय कमिटी २९९ सदस्यीय हुने प्रावधान छ। जसमा १५ जना पदाधिकारीको व्यवस्था गरिएको छ।

प्रकाशित: Jan 03, 2022| 17:49 सोमबार, पुस १९, २०७८