मुख्यमन्त्री राउतलाई मातृशोक

जनकपुरधाम-प्रदेश २ का मुख्यमन्त्री लालबाबु राउतलाई मातृशोक परेको छ । मुख्यमन्त्री राउतकी आमा राधिकादेवी गद्धीको शुक्रबार दिउँसो निधन भएको छ । 

७६ वर्षीया गद्धीको उपचारको क्रममा भारतको रक्सौलमा निधन भएको मुख्यमन्त्री सचिवालयले जनाएको छ । उनी लामो समयदेखि मधुमेह तथा मुटुसम्बन्धी समस्या थियो । 

आमा सिकिस्त बिरामी भएपछि मुख्यमन्त्री राउत बुधबारै जनकपुरबाट आफ्नो गृहनगर बीरगंज पुगेका थिए । 

मुख्यमन्त्री राउतको पैतृक गाउँ पर्सा जिल्लाको जग्गनाथपुरमा मुस्लिम परम्परा अनुसार गद्धीको अन्तयेष्टी गरिने जनाइएको छ । 

गद्धीका दुई छोरा दुई छोरी छन् ।