ईपीएल : १० खेलाडीमा समेटिएको आर्सनल सिटीसँग पराजित

काठमाडौं– इंग्लिस प्रिमियर लिग (ईपीएल) मा म्यानचेस्टर सिटीसँग १० खेलाडीमा समेटिएको आर्सनल पराजित भएको छ। आर्सनलको इमिरेट्स मैदानमा शनिबार राति सम्पन्न खेलमा उसले पाहुनो टिम सिटीसँग २–१ गोलको हार बेहोरेको हो।

खेलको ३१औं मिनेटमा युवा खेलाडी बुकायो साकाले गोल गर्दै आर्सनललाई अग्रता दिलाएका थिए। पहिलो हाफसम्म १–० गोलले अघि रहे पनि आर्सनलले अग्रता जोगाउन सकेन।

५७औं मिनेटमा सिटीले पेनाल्टीको अवसर पायो। सो अवसरलाई सदुपयोग गर्दै रियाद महरेजले खेललाई बराबरीमा ल्याएका थिए। निर्धारित ९० मिनेटसम्म खेल बराबरी भए पनि इन्ज्युरी समयमा गोल गर्दै सिटीले जित निकालेको हो।

यता, खेलको ५७औं मिनेटमा र ५९औं मिनेटमा दोहोरो पहेँलो कार्ड बेहोर्दै मैदानबाट बाहिरिएका थिए। त्यसपछि आर्सनले १० खेलाडीमा समेटिएको थियो।

यो जितसँगै सिटीले शीर्षस्थानमा ९ अंकको अग्रता बनाएका छ। दोस्रो स्थानको चेल्सीको ४२ अंक छ भने तेस्रो स्थानको लिभरपुलको ४१ अंक छ। ३५ अंक बनाएको आर्सनले लिगको चौथो स्थानमा छ।

शनिबार राति नै सम्पन्न लिगको अर्को खेलमा भने टोटेनहम हट्स्परले वाटफोर्टविरुद्ध १–० गोलको जित निकालेको छ। त्यस्तै, वेस्ट हामले क्रिस्टल प्यालेसविरुद्ध ३–२ गोलको जित निकालेको छ।