टुँडिखेलमा तमु ल्होसारको उल्लास [दस तस्बिरमा]

काठमाडौं– तमु ल्होसारका अवसरमा काठमाडौंको टुँडिखेलमा विशेष समारोह आयोजना गरिएको छ। वसन्तपुरबाट निस्किएको गुरुङ समुदायको झाँकीसहितको  र्‍याली  न्युरोड, रत्नपार्क हुँदै टुँडिखेलमा पुगेर समापन गरिएको थियो। र्‍यालीमा गुरुङ समुदायको मौलिक पहिरनमा सजिएका ठूलो संख्यामा नरनारीको सहभागिता थियो। उनीहरूले बाजागाजा र नृत्य गर्दै टुँडिखेल प्रवेश गरेका थिए। 

गुरुङ समुदायले पुस १५ गते ‘तमु ल्होसार’ पर्व मनाउने गर्छन् । पुरानो वर्षलाई बिदाइ गरेर नयाँ वर्षलाई स्वागत गर्न तमु ल्होसार मनाउने चलन छ। ‘ल्हो’ को अर्थ वर्ष र ‘सार’ को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको हो।