गोदावरी खोलामा बाढी,  लुभु सडक बन्द (भिडियो)

ललितपुर- ललितपुरको महालक्ष्मी नगरपालिका ८ लुभुमा रहेको गोदावरि खोलाको पुल भत्काइएपछि स्थानीयलाई आवाजजावत गर्न समस्या परेको छ । वर्षा लागेसंगै खोलामा पानीको बहाव बढेपछि वारीपारी गर्न समेत नसक्ने अवस्था सृजना भएको हो । 

बुधबार रातीदेखि परेको अविरल वर्षाका कारण खोलामा पानीको बहाव बढेपछि बाटो अवरुद्ध भएको छ । लुभु जाने बाटो बन्द भएसंगै स्थानीय चलिरहेको पुल भत्काइएको भन्दै आक्रोशित बनेका छन् । विस्तारका लागि भन्दै करिब ६ महिना अघि उक्त पुल भत्काइएको थियो ।