महाधिवेशनको नाराअनुसार पार्टीलाई अघि बढाउने कांग्रेसको निर्णय

नेपाली कांग्रेसले महाधिवेशनको नाराअनुसार पार्टीलाई अघि बढाउने निर्णय गरेको छ।

नेपाल समय | शनिबार, पुस १०, २०७८

नेपाल समय

शनिबार, पुस १०, २०७८

महाधिवेशनको नाराअनुसार पार्टीलाई अघि बढाउने कांग्रेसको निर्णय

Nepali congress

काठमाडौं– नेपाली कांग्रेसले महाधिवेशनको नाराअनुसार पार्टीलाई अघि बढाउने निर्णय गरेको छ। पार्टीको १४ औँ महाधिवेशनमा निर्वाचित कार्यसमितिको शनिबार बसेको पहिलो बैठकले यस्तो निर्णय गरेको महामन्त्री गगन थापाले जानकारी दिएका हुन्। चौधौं महाधिवेशनको नारा ‘कांग्रेसमा उत्साह, एकता, रुपान्तरण सफल बनाऔं १४ औं महाधिवेशन’ थियो।

बैठकले महाधिवेशन सम्पन्न बनाउन लागिपर्ने सबैलाई धन्यवाद दिने सकंल्प प्रस्ताव पारित गरेको छ। राष्ट्रियसभामा निर्वाचनमा पार्टीका तर्फबाट खडा गरिने उम्मेदवारका हकमा सभापतिको हस्ताक्षर प्रयोग गर्ने अधिकार प्रत्यायोजन गर्ने निर्णय बैठकले गरेको छ।

बैठकले निर्वाचन आयोगमा दल दर्ताका लागि मुख्य सचिव कृष्णप्रसाद पौडेललाई जिम्मा दिन निर्णय गरेको महामन्त्री थापाले जानकारी दिए।

प्रकाशित: Dec 25, 2021| 14:29 शनिबार, पुस १०, २०७८