काठमाडौं- इङ्ल्याण्डलार्इ २-१ गोल अन्तरले पराजित गर्दै क्रोएशियाले विश्वकपमा फाइनल यात्रा तय गरेको छ ।
खेलको निर्धारित ९० मिनेट १-१ को बराबरीमा सकिएपछि थपिएको अतिरिक्त ३० मिनेटको समयको १९ औ मिनेटमा गोल गर्दै क्रोएशियाले अग्रता लिएको हो । क्रोएशियाका लागि मारियो मन्डस्कीले निर्णायक गोल गरे ।
खेल शुरू भएको पाँच मिनेटमै अग्रता लिएको इङ्ल्याण्डले ६८ औ मिनेटमा एक गोल खाएपछि खेल बराबरीमा पुग्यो । आइभन भेरिसिकले गरेको गोलले दुवै टोलीलार्इ बराबरीमा पुर्यायो । यसअघि खेलको पाँचौ मिनेटमा गरेको गोलको अग्रताले पहिलो हाफ सकिँदासम्म इङ्ल्याण्डले क्रोएशिया विरूद्ध १-० को अग्रता लिएको थियो।
डिबक्सबाहिर फल भएपछि क्रोएशियाविरूद्ध इङ्ग्ल्याण्डले फ्री-कीक पाएको थियो। त्यही मौकाको ट्रिपियरले सही सदुपयोग गर्दै खेललार्इ १-० को अन्तरमा पुर्याएका थिए ।
अब उपाधीका लागि क्रोएशिया र फ्रान्स भिड्ने पक्का भएको छ ।
प्रकाशित: Dec 31, 2017| 18:23 आइतबार, पुस १६, २०७४