विवेकशील साझा त्याग्दै रञ्जु दर्शनाले भनिन्– राजनीतिमा थप फोहोर बढाउन चाहन्‍नँ

विवेकशील साझा पार्टीकी नेतृ रञ्जु दर्शनाले पार्टी परित्याग गरेकी छन्।

नेपाल समय | बिहीबार, पुस ८, २०७८

नेपाल समय

बिहीबार, पुस ८, २०७८

विवेकशील साझा त्याग्दै रञ्जु दर्शनाले भनिन्– राजनीतिमा थप फोहोर बढाउन चाहन्‍नँ

फाइल तस्बिर

काठमाडौं– विवेकशील साझा पार्टीकी नेतृ रञ्जु दर्शनाले पार्टी परित्याग गरेकी छन्। रञ्जुले बिहीबार वक्तव्य जारी गर्दै पार्टीमा लिएको जिम्मेवारीका साथै साधारण सदस्यसमेत नरहने गरी विवेकशील साझाबाट अलग भएको घोषणा गरेकी हुन्।

उनले अब एक सचेत स्वतन्त्र नागरिकको भूमिकामा मात्रै राजनीतिक रुपमा सक्रिय रहने बताएकी छन्। उनले भनेकी छन्, ‘अहिले म संलग्न पार्टीले संघीय गणतान्त्रिक नेपालमा वैकल्पिक राजनीतिको खोल ओढेर अत्यधिक फोहोर गरिरहेको छ। जुन मैले सफा गर्ने कोसिस पनि गरें तर पूर्ण रुपले सफा गर्न असमर्थ रहें। तसर्थ म यही संगठनमा बसेर नेपाली राजनीतिमा बसेर थप फोहोर बढाउन सक्दिनँ।’

यस्तो छ रञ्जुको राजीनामापत्र

प्रकाशित: Dec 23, 2021| 11:11 बिहीबार, पुस ८, २०७८