कांग्रेस प्रदेश–२ निर्वाचन : देउवा र निधि पक्षबीच झडप

जनकपुरधाम– नेपाली कांग्रेस प्रदेश २ अधिवेशन अन्तर्गत आज दिउँसो १ बजेदेखि सुरु हुने भनिएको निर्वाचन अझैसम्म सुरु हुन नसकेपछि दुई समूहबीच झडप भएको छ।

मतदानस्थल गोपाल धर्मशालामा सभापतिका उम्मेदवारद्वय रामसरोज यादव र कृष्णप्रसाद यादव पक्षका युवाहरुले निर्वाचन गराउने वा नगराउने विषयमा नाराबाजी गरेपछि सामान्य झडप भएको हो। 

रामसरोज प्यानलका युवाहरुले गृहमन्त्री बालकृष्ण खाणविरुद्ध नारावाजी गरिरहेका छन् भने कृष्ण यादव प्यानलका युवाहरु मन्त्री रामसरोज यादवविरुद्ध नाराबाजी गरिरहेका छन्। सोही क्रममा दुई समूहबीच झडप भएको हो। 

कृष्ण यादव पक्षले आजै निर्वाचन हुनुपर्ने अडान राखेको छ भने रामसरोज पक्षका युवाहरुले भोलि बिहीबार निर्वाचन गर्नुपर्ने भन्दै नाराबाजी गरिरहेका छन्।