जनकपुरधाम- प्रदेश २ कांग्रेसको नयाँ नेतृत्वका कांग्रेस प्रदेश २ अधिवेशनमा पाँच जना उम्मेदवार निर्विरोध निर्वाचित भएका छन्। प्रदेश निर्वाचन समितिले प्रकाशित गरेको अन्तिम नामावली अनुसार पाँच जना समस्य पदमा निर्विरोध निर्वाचित भएका हुन्।
निर्विरोध निर्वाचित हुनेमा प्रत्येक जिल्लाबाट प्रदेश सदस्य खुल्लामा सप्तरी जिल्लाबाट आशाराम चौधरी निर्विरोध निर्वाचित भएका हुन्। उनी बिरुद्ध सप्तरीबाट कसैको उम्मेदवारी नपरेपछि निर्विरोध निर्वाचित भएका छन्।
त्यस्तै प्रत्येक जिल्लाबाट महिला सदस्यमा सप्तरीकी विमला देवी साह, महोत्तरीकी उषा देवकोटा र पर्साकी किरण कुमारी शर्मा बिरुद्ध सो जिल्लाबाट उम्मेदवारी नपरेकाले उनीहरु निर्वाचित भएको निर्वाचन संयोजक प्रह्लाद गौतमले जानकारी दिए।
त्यस्तै प्रदेश सदस्य आदिवासी जनजातिबाट मनमाया तामाङनी निर्विरोध निर्वाचित भएकी छिन्। उनी बिरुद्ध उम्मेदवारी दिएकी रत्ना लामाले उम्मेदवारी फिर्ता लिएपछि तमांगनी निर्वाचित भएकी छिन्।