'कबड्डी ४' वैशाख २३ मा रिलिज हुने, यस्तो बन्यो टिजर

काठमाडौं– दयाहाङ राई र सौगात मल्ल अभिनित चलचित्र ‘कबड्डी ४’ को टिजर सार्वजनिक भएको छ। चलचित्रको टिजरसँगै निर्माण टिमले प्रदर्शन मितिको समेत घोषणा गरेको छ। यो चलचित्र २०७९ वैशाख २३ गते रिलिज हुने भएको छ। 

रामबाबु गुरुङ निर्देशक रहेको ‘कबड्डी ४’ बाँसुरी फिल्मसको प्रस्तुति हो। दयाहाङ र सौगातका साथै चलचित्रमा मिरुना मगर, गौमाया गुरुङ, बुद्धि तामाङ, विजय बराल, कमलमणि नेपाल, पुष्कर गुरुङ, कविता आले, जयनन्द लामा, प्रकाश घिमिरे, माओत्से गुरुङ, शरद अधिकारी लगायतका कलाकारको अभिनय छ। चलचित्रमा शैलेन्द्र डी कार्कीको छायांकन, निमेष श्रेष्ठको सम्पादन, कालीप्रसाद बाँस्कोटा, एसडी योगी, अनुपम शर्माको संगीत, रामबाबु गुरुङ र उपेन्द्र सुब्बाको लेखन छ।

‘कबड्डी’का अघिल्ला तीनवटा सिरिज हिट भएका थिए। चलचित्रको टिजरमा दयाहाङ राई र मिरुना मगरको प्रेममा सौगात मल्लको प्रवेशलाई रोचक तरिकाले प्रस्तुत गरिएको छ।