बेल्जियमलाई १-० ले पाखा लगाउँदै फ्रान्स फाइनलमा

काठमाडौं- रुसमा जारी विश्वकप अन्तर्गतको सेमिफाइनल खेलमा बेल्जियमलाई १-० गोलले पाखा लगाउँदै फ्रान्स फाइनलमा प्रवेश गरेको छ।

खेलको ५१ अौंं मिनेेेटमा फ्रान्सका स्यामुअल उमटीटीले गरेको गोलले बेल्जियमको  विश्वकप यात्रा सेमिफाइनलमा नै टुंगिएको हो।

रेफ्रीले खेेेल अवधिभर पाँच पहेेँलो कार्ड खर्च गरेको छ। जसमा २ फ्रान्स र ३ बेल्जियमविरुद्ध प्रयोग गरिएको हो। 

फ्रान्सको यो तेस्रो फाइनल प्रवेश हो । यसअघि सन् १९९८ मा भएको विश्वकप फुटबलको उपाधि फ्रान्सले पहिलो पटक उचालेको थियो । त्यस्तै, सन् २००६ मा फ्रान्स फाइनलमा पुग्दै उपविजेता बनेको थियो ।

विश्वकपको फाइनलमा प्रवेश गरेसँगै फ्रान्स अब उपाधि उचाल्नबाट एक कदम पछि मात्रै छ । फ्रान्सले अब इंग्ल्याण्ड र क्रोएसियावीचको विजेतासँग २१औं संस्करणको उपाधिका लागि खेल्नेछ ।

इंग्ल्याण्ड र क्रोएसियावीचको सेमिफाइनल बुधबार राती पाैने बजे हुनेछ । यी दुर्इवीचकाे खेलमा पराजित हुने टिमले तेस्राे स्थानका लागि बेल्जियमकाे सामना गर्नेछ ।

फ्रान्ससँग पराजित भएसँगै बेल्जियमले पहिलो पटक फाइनलमा पुग्ने अवसर गुमाएको छ ।