ओलीले भने- ज्ञानेन्द्र शाह र प्रचण्डबीच ५ बुँदे सहमति भएपछि 'कु' भयो

प्रचण्डको सहमतिमा ज्ञानेन्द्रले देशमा निरंकुशता ल्याएको भन्दै ओलीले भने, ‘असोज १८ र माघ १९ मा ज्ञानेन्द्रले 'कु' गरे।’

नेपाल समय | बुधबार, मंसिर २९, २०७८

नेपाल समय

बुधबार, मंसिर २९, २०७८

ओलीले भने- ज्ञानेन्द्र शाह र प्रचण्डबीच ५ बुँदे सहमति भएपछि 'कु' भयो

काठमाडौं- नेकपा एमाले अध्यक्ष केपी शर्मा ओलीले तत्कालीन राजा ज्ञानेन्द्र शाह र तत्कालीन विद्रोही नेकपा माओवादी अध्यक्ष पुष्पकमल दाहाल प्रचण्डबीच पाँच बुँदे सहमति गरेको दाबी गरेका छन्।

केन्द्रीय कमिटीमा मनोनीत सदस्यको पद तथा गोपनीयता कार्यक्रमलाई सम्बोधन गर्दै ओलीले १८ मंसिर २०६० मा ज्ञानेन्द्र र प्रचण्डबीच पाँच बुँदे सहमति भएको दाबी गरे। तर, सहमतिपत्रमा के के उल्लेख भएको थियो भन्ने खुलिनसकेको भन्दै उनले भने, ‘त्यो पाँच बुँदेमा के थियो? कि ज्ञानेन्द्रले भन्नुपर्‍यो, कि प्रचण्डले।’

पाँच बुँदे सहमतिपछि ज्ञानेन्द्रले देशभर नागरिक अभिनन्दनको कार्यक्रम गर्दै देश दौडाहामा निस्किएको ओलीको आरोप छ।

प्रकाशित: Dec 15, 2021| 13:48 बुधबार, मंसिर २९, २०७८