मंगलबार पनि नेप्से ओरालो, अर्याललाई लगानीकर्ताले पत्याएनन्

काठमाडौं- नेपाल स्टक एक्स्चेन्ज (नेप्से) बजारले नवनियुक्त प्रमुख कार्यकारी अधिकृत (सिईओ) रमेश अर्याललाई पत्याएन। उनले हिजो (सोमबार) मात्रै नेपाल स्टक एक्स्चेन्ज लिमिटेड (नेप्से) को सिईओमा पदभार ग्रहण गरेका हुन्।
 
उनले पद ग्रहण गरेपछिको दोस्रो दिन आज (मंलबार) पनि नेप्से परिसूचक झिनो अंले घटेको छ। नेप्से परिसूचक ०.५ अंकले घटेर १ हजार २०५.९३ विन्दुमा पुगेको छ।

सोमबार झनै बढी १७.९६ अंकले घटेको १ हजार  २०६.४३ विन्दुमा पुगेको थियो। मंलबार १६० कम्पनीको शेयर ८ लाख ७६  हजार ६११ पटक खरिद बिक्रीबाट २८ करोड ७९ लाख ७४ हजार ४३१ रुपैयाँको कारोबार भएको छ।

नेप्से बजारमा आएका ३ समूहबाहेक अरु सबैको परिसूचक राताम्य भएको छ । बैंकिङ, फाइनान्स, बीमा समूहको परिसूचक झिनो अंकले बढेको छ  भने बाँकी समूहको घटेको हो।

उत्पादनमुलक समूहको परिसूचक सबैभन्दा बढी ७०. ५२ अंक घटेर २ हजार २१९ .९२ विन्दुमा पुगेको छ। त्यस्तै हाइड्रोपावर समूहको २.१५, अन्य समूहको १.९९, होटलको १.४१,  माइक्रोफाइनान्सको ०.५३  र विकास बैंकको नेप्से परिसूचक ०.४७ अंक घटेको छ।