माओवादी केन्द्र प्रदेश १ को नेतृत्व चयनमा सकस

विराटनगर- नेकपा माओवादी केन्द्र प्रदेश १ को अधिवेशन नेतृत्व चयन नगरि चुनावी प्रक्रिया रोकिएको छ।

प्रदेश अध्यक्षमा बर्तमान अध्यक्ष तथा प्रतिनिधिसभा सदस्य सुरेशकुमार राई, प्रदेश १ आर्थिक मामिला तथा योजना मन्त्री इन्द्रबहादुर आङ्बो र बर्तमान प्रदेश सचिव हेमराम भण्डारी आकांक्षी छन्। तीन नेताहरुले दावी नछाडेपछि बन्दशत्र सकेर मतदान तालिका सार्वजनिक भएपनि प्रक्रिया अघि बढ्न सकेन।

पार्टी अध्यक्ष पुष्पकमल दाहाल 'प्रचण्ड'ले सहमतिमै नेतृत्व चयनका लागि दवाव दिएका कारण मतदान कार्यक्रम रोकिएको एक नेताले बताएका छन्। मंसिर २५ गते सुरु भएको अधिवेशनले २४९ सदस्यीय प्रदेश कमिटी घोषणा गरेको छ।

अध्यक्ष सहितका पदाधिकारी रोकेर सहमतिको प्रयास भईरहेको नेताहरुले बताएका छन्।  पदाधिकारीमा आकांक्षी धेरै भएपछि केन्द्रीय समितिले हस्तक्षेप गरेको एक नेताले बताए। 

पदाधिकारी चयन हुन नसक्दा अधिवेशन औपचारिक रुपमा समापन हुन सकेको छैन।