महाकवि देवकोटाले १९९० सालमा किनेको घर भत्काइयो

महाकवि लक्ष्मीप्रसाद देवकोटाको मैतीदेवीमा रहेको घर भत्काउन सुरु गरिएको छ। देवकोटाको घर सरकारले किनेर नेपाल प्रज्ञा प्रतिष्ठानले संग्रहालय बनाउन लागेको हो।

नेपाल समय | बिहीबार, साउन २१, २०७८

नेपाल समय

बिहीबार, साउन २१, २०७८

महाकवि देवकोटाले १९९० सालमा किनेको घर भत्काइयो

काठमाडौं– महाकवि लक्ष्मीप्रसाद देवकोटाको मैतीदेवीमा रहेको घर भत्काउन सुरु गरिएको छ। देवकोटाको घर सरकारले किनेर नेपाल प्रज्ञा प्रतिष्ठानले संग्रहालय बनाउन लागेको हो।

संग्रहालय बनाउनका निम्ति देवकोटाको सो घर भत्काइएको छ। महाकवि देवकोटाकी छोरी अम्बिकादेवी रिमालले प्रज्ञा प्रतिष्ठानले राम्रो काम गर्नकै लागि घर भत्काएको होला भन्ने विश्वास रहेको प्रतिक्रिया दिइन्।

उनले भनिन्, 'एकेडेमीमा सबै बुदि्धजिवी व्यक्तिहरु बस्नुहुन्छ। सबै पढेलेखेको बुदि्धजिवी बस्नुहुन्छ। उहाँहरुको तजबिजले राम्रै गर्नुहुन्छ भन्ने आशामा छु। उहाँहरु जे गर्नुहुन्छ राम्रै गर्नुहुन्छ भन्ने मलाई लागेको छ।'

महाकवि देवकोटाको घर सरकारले २ करोड ५० लाख रुपैयाँमा किनेको हो। देवकोटाले सो घर वि.सं. १९९० सालतिर किनेको बताइएको छ।

प्रकाशित: Aug 05, 2021| 17:46 बिहीबार, साउन २१, २०७८