जलाइयो निर्वाचन सामग्री (भिडियो)

काठमाडौं– निर्वाचन कार्यालय, ललितपुरले आइतबार स्थानीय तह, प्रतिनिधि र प्रदेश सभा निर्वाचनका कागजात आइतबार जलाएको छ । ललितपुरमा ६ वटा स्थानीय तह छन् । ललितपुर महानगरको निर्वाचनमा उजुरी परेकाले त्यसबाहेकका पाँच स्थानीय तहका सबै निर्वाचन सामग्री जलाइएको छ ।

यस्तै, प्रतिनिधि र प्रदेश सभा निर्वाचनका भने सबै सामग्री जलाइएको कार्यालयकी कर्मचारी सीता लिम्बुले जानकारी दिइन् । उनका अनुसार प्रयोग भएका र बाँकी रहेका मतपत्र, अर्धकट्टी तथा प्रयोग भएका मतदाता नामावलीहरू जलाइएको हो । लिम्बुले भनिन्, ‘मुद्दा पर्ने अवधि कटेपछि सर्वोच्च अदालतले मुद्दा परेको छैन भनेर प्रमाणित गरिदिएका कागजात जलाउने गरिएको छ ।  ती सामग्री भण्डारण गर्ने समस्या हुन्छ, त्यही भएर जलाउने गरिन्छ ।’ 

ललितपुरका स्थानीय तहका करिब दुई लाख तथा प्रतिनिधि र प्रदेश सभाका करिब पाँच लाख कागजात आइतबार जलाइएको छ ।