तस्बिर कथा: 'राक्षसका शिशुलार्इ त्रिशूलमा रोप्‍ने'-त्रिशुलजात्रा

काठमाडौं- पशुपति क्षेत्र देवपटनस्थित भलभला अष्टमीका दिन मनाइने त्रिशूल जात्रा शुक्रबारदेखि शुरु भएको छ। 

भुवनेश्वरी तथा जयबागेश्वरीका पुजारी माइला आचाजुअनुसार राक्षसका शिशुहरुलाई भुवनेश्वरीदेवीको त्रिशूलबाट रोपी विजयी उत्सवस्वरुप त्रिशुल जात्रा मनाइन्छ । नेवारी भाषामा यसलाई मचा तीः यात्रा भनिन्छ। करीब दुई हजार वर्ष पुरानो इतिहास बोकेको त्रिशूल जात्रा बकासुर राक्षससँग जोडिएको छ। 

हाल चण्डेश्वरी, वत्सलामाई देवी र जयवागेश्वरीबाट खटजात्रा निकालिन्छ । पशुपति क्षेत्र विकास कोषबाट जात्रा मनाउनका लागि दिइने बजेट रकम अपुग भएको स्थानीयवासी श्यामराज डंगोल बताउछन्।