टायर बालेर कैलालीमा पूर्व-पश्चिम राजमार्ग अवरुद्ध

धनगढी- कैलालीमा ट्रकको ठक्करबाट एक जनाको मृत्यु भएपछि आइतबार बिहानैबाट पूर्व-पश्चिम राजमार्ग अवरुद्ध मारिएको छ। शनिबार मोटरसाइकल चालक वसन्तराज शर्माको ट्रकको ठक्करबाट मृत्यु भएको विरोधमा आफन्तले बिहानैदेखि राजमार्ग अवरुद्ध पारेका हुन्।

मृतकका आफन्तले टायर बालेर बिहान ८ बजेबाट सडक अवरुद्ध गरेको प्रहरीले जनाएको छ। ट्रक चालकको पहिचान नभएको र उनी फरार रहेको प्रदेश ट्राफिक प्रहरी कार्यालय अत्तरियाले जनाएको छ। उनको खोजी कार्य भइरहेको प्रहरीको भनाइ छ।

शनिबार जिल्लाको घोडाघोडी नगरपालिका-५ डोकेबजारमा पश्चिमबाट पूर्वतर्फ गइरहेको सु.प.प्र.०१ ००८ प ५४७५ नम्बरको मोटरसाइकललाई विपरीत दिशाबाट आइरहेको लु१ख ४६६६ नम्बरको ट्रकले ठक्कर दिएको थियो। 

ट्रकले ठक्कर दिँदा घाइते भएका शर्माको सुखडस्थित घोडाघोडी अस्पतालमा उपचारको क्रममा मृत्यु भएको सुदूरपश्चिम प्रदेश ट्राफिक कार्यालय अत्तरियाले जनाएको छ।