नामाकरण गर्नेमा प्रदेश ४ दोस्रो, गण्डकी प्रदेश घोषणा

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं- प्रदेश ४ प्रदेशसभा बैठकले प्रदेशको नाम गण्डकी प्रदेश घोषणा गरेको छ। प्रदेशको नामाकरण गर्नेमा प्रदेश ४ दोस्रो भएको छ। यसअघि नै प्रदेश छ ले प्रदशको नाम कर्णाली प्रदेश घोषणा गरिसकेको छ।

शुक्रबार बसेको प्रदेशसभा बैठकले दुई तिहाई बहुमतका आधारमा प्रदेशको नाम गण्डकी प्रदेश राख्ने प्रस्ताव पास गरेको हो ।

गण्डकी प्रदेश राख्नुपर्ने पक्षमा ५४ मत परेको छ भने नयाँ शक्ति पार्टीका दुर्इ जना सांसदहरुले प्रदेशको नाम गण्डकी राख्ने प्रस्तावको विपक्षमा मत दिएका हुन्।

सभामुख नेत्रनाथ अधिकारीले मतदान गरेनन् भने जनमोर्चाका सांसद टेकबहादुर घर्ती अनुपस्थित रहे ।

प्रदेशको स्थायी राजधानी यसअघि नै पोखरा तोकिएको छ।

प्रदेशको नाम र स्थायी राजधानीबारे सुझाव दिन प्रदेशसभाले समिति नै बनाएको थियो । समितिले प्रदेशको नाममा गण्डकी, तमुवान-मगरात लगायतको विकल्प दिएको थियो।

प्रकाशित: Dec 31, 2017| 18:23 आइतबार, पुस १६, २०७४