काठमाडौं- अमेरिकाको भर्जिनियामा एक नेपालीको हत्या भएको छ । भर्जिनियाको हर्नडन्डस्थित ग्यास स्टेसनमा काम गर्दै आएका रमेश बजगाईको लुटेरा समूहले हत्या गरेको हो ।
पुर्ख्यौली घर गोरखा भएका बजगाईंको परिवार अहिले चितवनको भरतपुरमा बसोबास गर्दै आएको छ ।
स्टेसनमा काम गरिरहेका उनलाई बुधबार बिहान स्थानीय समयअनुसार सवा एक बजे लुटेराको समूहले गोली हानी हत्या गरेको हो । उनी नौ महिनाअघि मात्रै अमेरिका पुगेका थिए । उनकी श्रीमती तथा पाँच वर्षकी छोरी छन् ।
अहिले अमेरिकामा विभिन्न ग्यास स्टेसनमा काम गर्ने नेपालीको संख्या करिब ३० हजार छ । यस वर्ष मात्रै अमेरिकामा भएका विभिन्न गोलीकाण्डबाट १३ हजार दुई सय ८६ जनाको मृत्यु भइसकेको छ ।
प्रकाशित: Dec 31, 2017| 18:23 आइतबार, पुस १६, २०७४