जिउँदो सालक बोकेर हिँड्ने दुई पक्राउ 

काठमाडौं- लोपउन्मुख वन्यजन्तु जिउँदो सालक खरिद बिक्रीमा संलग्न दुई जना पक्राउ परेका छन् । 

बाग्लुङबाट जिउँदो सालक बोकेर आएका निसीखोला गाउँपालिका दुईका दुर्गाबहादुर बिक र सालक किन्न तयारी अवस्थामा रहेका काठमाडौं चन्द्रागिरीका राजेन्द्र तामाङ पक्राउ परेका हुन् । 

सुराकीका आधारमा शंखपार्कमा जिउँदो सालकको खरिदबिक्री भइरहेको सूचना पाएको केन्द्रीय अनुसन्धान व्यूरो सीआईबीको टोलीले उनीहरुलाई पक्राउ गरेको हो । 

उनीहरुको साथमा रहेको सालकलाई उद्दार गरी सदर चिडियाखाना जावालाखेल पढाइएको प्रहरीले जनाएको छ । 

सालक सीआईटीईएस अन्तर्राष्टिय महासन्धी  १९७५ को अनुसुची १ मा लोपोन्मुख प्रजातिको सुचीमा सुचिकृत छ ।