कांग्रेस डोल्पामा संस्थापन समूहको वर्चस्व

सुर्खेत– नेपाली कांग्रेस डोल्पाको सभापतिमा दिपेन्द्रबहादुर शाही निर्वाचित भएका छन्। तीन जना प्रतिस्पर्धीलाई पछि पार्दै सभापतिमा शाही निर्वाचित भएका हुन्। 

उनले २३७ मत प्राप्त गरी विजयी हुँदा उनका प्रतिस्पर्धीहरु अंगदकुमार बुढाले १५८, गौरीशंकर उपाध्यायले २३ र दुधकुमारी हमालले ११ मत प्राप्त गरे। सभापति शाही संस्थापन समूहसँग नजिक छन्।

त्यस्तै उपसभापतिमा पूर्णबहादुर शाही र लवकुमार शाही, सचिवमा दशरथ रोकाया र हिक्मतबहादुर शाही र सहसचिवमा सुरेन्द्रप्रसाद महत र लक्ष्मणकुमार शाही विजयी भएका छन्। 

जिल्ला कार्यसमिति सदस्यमा श्रीनारायण कार्की, भैरबहादुर शाही, लक्ष्मी सार्की, जलसरी बुढा (निर्विरोध), नरेन्द्र बुढा, लालकुमारी थापा, आईतुरुपा रोकाया, तेजेन्द्रबहादुर रोकाया र धनबहादुर रावत विजयी भएका छन्। विजयी अधिकांश संस्थापन समूहका हुन्।