मलेसियामा २ सय नेपाली कामदार पक्राउ

काठमाडौं- मलेसिया सरकारले बिनादर्ता आफ्नो देशमा बसेको भन्दै २ सय नेपालीलाई पक्राउ गरेको छ । स्वदेश फिर्ता हुन वा वैधानिक हैसियत कायम गर्न दिइएको म्याद सकिएपछि अवैधानिक रुपमा मलेसियामा बसेका नेपाली २ सय नेपाली पक्राउ परेका हुन् । 

नेपालीसंगै अहिलेसम्म मलेसिया सरकारले ६ हजार ६ सय ७८ जना विदेशी पक्राउ गरिसकेको छ । पक्राउ परेकाहरुलाई विभिन्न १३ वटा बन्दीगृहमा राखिएको छ । ओपी मेगा ३ नाममा मलेसिया प्रहरीले अप्रेसन चलाएको छ ।

करिब १ हप्तादेखि सञ्चालित अभियानले थुप्रै विदेशी कामदारमा त्रास समेत बढाएको छ । मलेसिया सरकारले यो अभियान अझै कडाइका साथ अगाडी बढाउने तयारी गरेको छ । बैधानिक हुने वा स्वदेश फर्किने म्याद असार १६ गते सकिएको थियो । 

मलेसियामा कम्तिमा १ हजारभन्दा बढि नेपाली बिना दर्ता बसिरहेका अनुमान गरिएको छ । पक्राउ परेका बाहेक १ लाख १७ हजार ४ सय ४८ जनाले स्वदेश फर्किन आवेदन दिएको अध्यागमन विभागले जनाएको छ ।