भोलि बालाजु क्षेत्रमा दिनभर बिजुली जाने

काठमाडौं- बालाजु क्षेत्रमा भोलि (शुक्रबार) दिनभर विद्युत अवरुद्ध हुने भएको छ। सडक विस्तारका लागि उक्त क्षेत्रमा शुक्रबार बिहान ७ बजेदेखि बेलुका ५ बजेसम्म विद्युत आपूर्ति बन्द हुने नेपाल विद्युत प्राधिकरणले जनाएको हो । 

नेपाल विद्युत प्राधिकरण बालाजु वितरण केन्द्रकाअनुसार वनस्थली चौकदेखी बालाजु प्रहरी चौकीसम्म सडक विस्तारका लागि बालाजु सवस्टेशन अन्तर्गतका फिडरबाट आपूर्ति भइरहेको क्षेत्रमा विद्युत आपूर्ति बन्द हुने छ। 

जसमा बालाजु–नागार्जुन फिडर अन्तर्गत एमटीसी पर्खाल, जनजागृती,  रोटरी क्लब, टौडोल,  शितला स्कुल, रानीवन, बुद्धचोक, राधाकृष्ण हुदैँ एकलटार क्षेत्रमा विद्युत आपूर्ति बन्द हुने केन्द्र प्रमुख सुरज रेग्मीले जानकारी दिए । 

त्यसैगरी बालाजु-धर्मस्थलीअन्तर्गत पुरानो गुहेश्वरी, फुलबारी गेट, मुड्खु, बतासे डाँडा, धितालथोक, तिनपिप्ले, जरंखु, नेपालटार, मनमैजु, फुटुङ, जितपुर हुँदै छत्रेदेउरालीमा विद्युत आपूर्ति बन्द हुने भएको हो ।